Berriak

Iragan azaroaren 22an Merkataritzako Sari Nazionala egokitu zitzaion Gasteizko Udalari. Saria merkataritza arloan egindako dinamizazioarengatik eta merkatari txikiei emandako babesarengatik eman dio Industria, Merkataritza eta Turismo ministerioak.

Elvira harategi-urdaitegiari berriz, merkataritzako sari nazionalaren ohorezko akzesita eman diote, bere garapen komertzialarengatik eta enpresa-modernizazioarengatik.

Gasteizko Udalari saria Ignacio Cruz Rochek eman zion, Politika Orokorreko zuzendari nagusiak. Sari horrekin udalak 2006an egindako lana goraipatu nahi izan dute, bai merkatari txikiei emandako laguntzarengatik, bai merkataritza-arloan burutzen dituen hirigintza- eta dinamizazio-lanengatik.

Sari emate ekitaldian, Patxi Lazcoz Gasteizko alkateak karguan bere aurretik aritu direnen merituak aintzatetsi zituen, eta Fernando Aranguiz zinegotziak egindako lana ere goraipatu zuen.

Bere aldetik, Elvira harategi-urdaitegiko gerenteak, Angel Alavak, egin dioten aipamen berezia eskertu zuen eta bere saltokietako bezero guztiei dedikatu zien.

Sari horiek urtero ematen ditu Industria, Merkataritza eta Turismo ministerioak.